#الجديييييييييييييييييد القصة للعبرة من تأليفي سمارة سمر
العنوان:للحب ضريبة
نعست معاه بخاااطري حتى شي حد ماجبرني ولا ضربني على يدي ...غلطت معاه حيت كنت كنبغيه بزاااف ماقدرتش نخسر ليه خااااطرووو ...درت كاع داكشي لطلب مني وهو فرحان منكرش حتى انا كنت فرحانة وعايشة فواحد العالم خاص بيا كان بحال شي حلم ....دوزت معاه أجمل الليلة فحياتي. ...ماكنتش كنفكر فالعواقب لجاية مافكرتش بعيييد مافكرتش فماما وبابا وخووووتي فكرت غير فيه هو فالرغبااااتو وفراااحتو قلبي عمى بحبووو ...فصباح فقت وانا ماشي بنت ماشي كيف كنت البارح لقيتو حدايا مكسل وناااااعس فيقتووو بشويا وسولتوو فوقاش غايجي لدارنا كاع مجاااوبني عاودت سولتو مجاوبنيش ناض من حدايا لبس حوايجووو وخرج خلاني مافهمة والو وفبالي ألف سؤال محيرني ...علاش تبدل هكا فرمشة عين بين الليلة وضحاها ... شفت فالناموسية والدم عذريتي على الليزار لي وليت عليا ...حسيت بنخسة فقلبي لا توصف وعارفة لجاي مكيبشرش بالخير .....يتبع

الجزء 2
تأليف الكاتبة سمارة سمر
رجعت لدار وانا مهلوووكة وخاااطري مرووع وقلبي مزير عليااااا دخلت لبيتي هزيت تلفوني نشوف واش صونا ليا  ساعة والو ...عاودت صونيت ليه أنا مبغاش ارد عليا بقيت شي ساعة كنصوني ليه وكنصيفط ليه ميسااجات بلا فائدة. ...حسيت بواحد الندم مكيتوصفش دخلت لواحد كروب ديال البنات حكيت ليهم شنو طرا كل وحدة وشنو كاتقول شي بنات عايرووووني مخلاو مقالولي شي قالي صافي راه سمح فيك خدا داكشي لبغااااا ...عاد مازدت تشوشت كتر ومالقيت حل لراسي ودموعي مبغاوش احبسوووو ...دخلات عندي الوليدة مقدرتش نشوف فعينيها من كترة الحشمة كلسات حدايا
ماما:بنتي مالكي كتبكي شنو طرااا ليك
انا:(الصمت والبكا)...😢😧😢😢
ضماااتني ليها بجهد وكتواسيني ..ماما حنينة معايا بزاااف وكتيق فيا ولكن خنت تقتها فيا وماوفيتش بوعدي ليها ....
أنا:ماما ....😢😢😧😢
ماما:نعام ابنتي واش وقع ليك حتى وليتي فهاد الحالة
انا:حشمانة منك بزاااف حشماااانة 😢😧😢
ماما:مالكي علاش حشمانة مني ....فهميني ابنتي عفاك
خشيت راسي فصدرها الحنين وبقيت كنبكي حتى طابو عينية ونضت دوشت لقيت الساعة 3:30  لبست حوايجي عوالة نمشي لعندو الخدمة نفهم منو شنو طرا ليه...

الجزء 3 (للحب ضريبة )
تأليف الكاتبة سمارة سمر
مشيت لعندز الخدمة وبقيت كنستناه برا حتى شفتو خارج غير شافني بغا ابدل الطريق جريت موراه بزربة وشديتو من كتفو
انا:سليم شنو طرا لك ...فين غبرتي عليا ...وعلاش مكتجاوبنيش...
سليم:ساليتي؟؟؟
انا:جاوبني. ..ماااالك
سليم:ماعنديش الوقت باش نجاوب على أسئلتك. ... (ورد ليا بالضهر)متحاوليش تبعيني والا مغايعجبكش الحال خليني عليك سيري عيشي حياتك متبقايش مقابلاني غير انا. .
خلاني فبلاصتتي مجمدة مصدومة ماعرفت اش ندير حياتي ضيعها خدا مني كلشي وضحك عليا واستغل حبي ليه ...دموعي تحجرو فعيني بغيت نبكي ونغوت ولكن منقدرش الله غالب ...رجعت لدار تاني منهارة ومعذبة سلمت عليهم كانو كيديرو الكسكروط فالصالون يالله بغيت نطلع لبيتي وهو يعيط ليا بابا. ...يتبع

الجزء4 (للحب ضريبة )
الكاتبة سمارة سمر
بابا:اجي ابنتي اجي كلسي حدايا بغيت نظهر معاك شويا
انا:(بخوف )الله اسمعنا خبار الخير
بابا:خير إن شاء الله ابنتي ...المهم راكي عارفة دبا كبرتي تبارك الله وحنا درنا لي علينا قريناك وكبرناك وتهلينا فيك ودرنا فيك التيقة ودبا ابنتي جا الوقت لتفكري فمستقبلك ...
انا:شنو كتقصد ابابا اشمن مستقبل
بابا:نجيك من اللخر ابنتي ...طلبووووك شي الناس لزواج لاباس عليهم ومعقولين
انا:شكون هاد الناس ابابا...
بابا:الكموندو ديالنا طلبك مني لزواج شافك داك نهار ملي عرضونا لدارهم وجا نيشان قالها لي ... اي وحدة تمنااااه مستحيل ابنتي شيماء تلقاي بحالو وخا دوري عالم كامل ومابغيتكش ترفضي غاتحشميني معاه ...
انا:(بحسرة وعينيا فالأرض )بابا الحبيب انفكر ونرد عليك ضرووري من تفكير هادا راه زواج
بابا:انا منبزز عليك والو ...ولكن فكري فيا وفخدمتي وفمستقبلك متسرعيش ...
طلعت فدروج بزربة لبيتي شديت الباب وطحت فلارض بالبكاااا كيفاش وقع هادشي فييين كاان عقلي ملي سلمت ليه راسي اش غاندير علاش مفكرتش فبابا وفماما وفخووووتي علااااااااش ياربي علاااش درت هادشي فين غانعطي رااااسي غاانحشم ب بابا مسكيم قدام الشاف ديالو ...يتبع
✔هاااادو الاجزاء الليلة التتمة غدا إن شاء الله
✔القصة للعبرة ليست للقراءة فقط
✔خليو لي ارائكم وانتقادتكم وتوقعاتكم

الجزء5 (ضريبة الحب)
الكاتبة سمارة سمر...
الغد ليه فصباح فقت وعيني منفووووخين بالبكا ..توضيت وصليت نزلت لعندهم لقيتهم كيفطرووو كلست معاهم وعيني فالارض وهما لاحضوووو عليا هاد القضية
ماما:شيماء مالكي هاد الأيام غير حاضرة راسك ومكتهزيش فينا عينيك
نطقات ختي:كو مكنعرفوهاش نقولو درات شي حاجة خااايبة 😂😂
انا غير سمعت كلامها وحلات ليا الزيتونة فحلقي مقدرت نردها ولا نصرطها كانت غاتقتلني بزز باش فاتني الحال. ..وبابا بقا غير ساكت وكيشوف وسكاتو ركب فيا الرعب لمكيتوصفش حيت وخا ضريف معانا ومهلي فينا ولكن إلى شد علينا شي حاجة مايرحمناش ...
نضت بزربة لبست حوايجي مشيت لعند واحد العيادة للنساء شديت نوبة وبقيت كنتسنا حتى وصل دوري دخلت لعند طبيبة وانا كلي كنترعد
انا:السلام عليكم ..
طبيبة:وعليكم السلام تفضلي كلسي ....شنو عندك
أنا:جيت ندوز
طبيبة:اهاه وعلاياش باغة دوزي شنو عندك
انا:بغيت شهادة. ...باش نشدو اتزوج بيااا
طبيبة:اجي معايا ...
طلعت فوق داك البايص وبدات كتقلبني شويا ناضت
طبيبة:لبسي حوايجك وواجي معايا
لبست حوايجي وانا كنترعد مشيت لعندها كسلت وانا حانية راسي
طبيبة:نتي ممزوجاش ...وكيبان لي هادشي درتيه بخاطرك ماشي اغتصاب ...وإلى بغيتي نعطيك واحد الشهادة فيها هاد الكلاك لقلت لك وديكلاري بيه ماعنديش مشكل
انا:اااهه ععطيها ليييا ....
خرجت من عندها وانا محطمة ومنهارة وكارهة رااسي لأقصى درجة شديت طاكسي وناوية نمشي لعندو الخدمة ونحط نقط على الحروف....يتبع

الجزء6 (للكاتبة سمارة سمر )
وصلت لعندو الخدمة وبقيت كيف العادة كنستناه برااا حتى خرج مشيت لعندو وقفت قدامو وانا مخنزرة فيه
هو:شنو كاديري هنا. ..خلي عندك شويا الكرامة ومتبقايش تابعاني
انا :كرامتي مشات نهار لسلمت لك فيه راسي ... ياحسرة احساب لي معايا راجل ساعة كيف غيرك غير شماتة ومتسواش
هو:سكتي قبل ماندير لك هنا شي شوهة 😠😠
انا:شوهة هي لغاندير لك هنا انا ...شوف اش جبت معايا
وريت ليه ديك الشهادة بقا غير كيشوف فيها ومصدوم
انا:ياما دير معايا شي حل او نوصلوها المخزن هو ليدير خدمتووو ونزيدك ماعندي مانخسر نتا لغاتخسر خدمتك وسمعتك
هو:شوفي يالله نمشيو من هنا ونهدرو ونتافقوووو
انا:ماعندي فاش نهظر معاك غدا فالعشية كنستناك فدارنا نتا وماماك ...ومتنساش لبنت الهبيلة لكتعرفها ماتت وإلى ماجيتيش وحشمتيني مع عائلتي غانتقتلك كنحلف لك غانقتلك
مشيت وخليتو وااقف ومصدوم رجعت لدار لقيت بابا كيتفرج بحكم هو متقاعد أغلب اوقاتو كيدوزها فالدر كلست حداه وبست يدو
انا:بابا بغيت نقولك شي حاجة
بابا:قولي ابنتي ...
انا:صراحة بابا انا كنعرف واحد وغدا إن شاء الله غايجي لدارنا باش اخطبني منك
بابا:نتي تعرفي ابنتي كنتيق فاختياراتك مرحبا بيه وألف مرحبا ...سيري قوليها لماماح وختك باش تفرحيهم....يتبع

الجزء7 (ضريبة الحب )
الكاتبة سمارة سمر
داز داك نهار مزيان خملنا الدار ومشيت الحمام مهم وجدنا كلشي ...الغد ليه فقنا فصباح عادي فطرنا وكل واحد مشا اقضي شغالو انا بفيت نعيش داك نهار بلي كاين مشيت انا وختي لصالون صوبات شعري والمكياج خفيف من بعد جا مورانا بابا دانا لدار وصلت لقيت ماما مسكينة موجدة كلشي عنقتها بجهد وانا فرحانة بحال الى ما وقع لي والو بحال الى غانتولد من جديد. ..ودن العاصر بابا مشا صلى ورجع
بابا:شيماء بنتي شفت الخطاب تعطلووو
انا:(وليت كلي حمرا) ممزال الحال ابابا دبا اجيو غير تهنى
بابا:نسيت ماقلت لكم راني عرضت على شي صحابي فالخدمة
ماما:اويلي علاش عرضتي عليهم هادي غير خطبة صغيرة بيناتنا وماعرفنا واش اجيو ولا لاء
انا:لا لا ماعليش اماما ...انا نطلع لبيتي
طلعت لبيتي وقلبي قريب اطرطق هزيت تلفون صونيت ليه مجاوبنيش ...عاودت صونيت ليه مجاوبنيش صيفط ليه ميساج مردش عليا ...بقيت غادة جاية فالبيت وكنعض فصباااعي دازت ساعة وباقي مابااانش عاودت صونيت ليه
هو:ألو
انا:فييينك علاش تعطلتي هاد الوقت كامل
هو:ههههه
انا:علاش كضحك راني كنستناك ودارنا وجدو كلشي
هو:شكون قالك وجدي شي حاجة ولا قوليها لواليديك ...
انا:شنو كتقصد ...!!؟
هو:لكنقصد الالة هو اني مجااااايش ...مانجيش عند وحدة رخصات شرفها وعطاتو فابور فسبيل الحب ...سيري يارخيصة ستري راسك ولا عرفتي اش اجيك مليح طلعي لشي بيت وشنقي رااااااسك ....يالله باااي ابب...يتبع

الجزء8 (ضريبة الحب )
الكاتبة سمارة سمر
قطع عليا وخلاني مصدومة وماعرفة راسي من رجلي طحت على واحد الصداري ودموعي محجرين فعينيا كنحاول نستوعب اش قال ليا ...دازت شي 4دقايق صيفط لي ميساج فالواتساب فتحتو لقيتو مصيفط ليا فيديو غير شفتو قلبي تهز من بلاصتو كان كيصور فيا ملي كنت معاه فالفراش وضع تما شي كاميرا فشي قنت فالبيت ودارها بيا تفرجت فيه حتى اللخر وليت كولي حمرا بلاعصاب تمنيت نكون غير كنحلم ونفيق ونقول الحمد لله هادا غير كااابوس شويا صونا ليا غير شغت سميتو حسيت بالعافية شاعلة فيا والشمتة ....
هو:هاي بب كي جاك الفيديو ...!!عندي جوج الى عجباك هادا نزيدك لاخر اش بان لك
انا:نتا حيووووان نتاااا شماااتة  نتا ماشي راجل. ...الله ياخد فيك الحق
هو:شوفي عندي ليك واحد الاقتراح احبي إلى وافقتي عليه.. هاد الفيديوات مايشوفهم حد ونقدر نمسحهم كاع قدامك شنو قلتي
انا:كنكرهك بغيت لك السيدا (وهو يقاطعني)
هو:دعاوي كيرجعو لمولاهم ابب ...غانجيك نيشان ياإما تجي تنعسي معايا هاد الليلة ياإما هاد الفيديوات اشوفهم باباك من هنا 6دقايق ولكي واااسع الاختيار
انا:بغيت ربي اعذبك فدنيا قبل الآخرة بغيت ربي اشويك فختك وتجرب معناة تضحك على بنات الناس ....
هو:إذن بغيتيه اشوف بنتو كتح.... وفرحانة ياااك وخانت ثيقتو ....إذن صافي ابب بسلامة تهلاي انا:(بحرقة)ستنااااا غاانجي !! ولكن فين ..؟؟
هو:ملي إودن المغرب خرجي غاتلقاي واحد طموبيل كحلة فالراس الضرب غاتركبي فيها وتجيبك حتى لعندي .....
قطع وانا تعمييييت مابقى عندي مانخسر خدا لي كلشي ضحكتي شرفي قلبي حياتي واليدية ..وقررت حتى انا ناخد حيااااتو بيدية وخا ندوز عمري كامل فالحبس ......يتبع

الجزء9 (ضريبة الحب )
الكاتبة سمارة سمر
كنت سجلت هدرتووو لقالي وسكرينيت كاع الميساجات لصيفط ليا ديال التهديد ...ونزلت لعندهم لقيتهم كالسين وضياف بابا وصلو بقيت غير كنشوف من بعيد وكنفكر فشي حجة لنقولها ليهم باش بابا مايتحرجش قدام أصدقاء ديالو. ...جريت لعندو كنبكي وعنقتو حيت كنت فالاصل كنودعوووو ومشيت عند ماما حتى هي عنقتها وكنبكي
بابا:مالك ابنتي مااللك . خلعتينا عليييك...
انا:بابا حبيبي 😢😢😢😢مامات خطيبي ماتت ابابا ماتت يالله قالها لي
ماما:لا إله إلا الله كيف طرا ليها مسكينة ....😢😢😢
انا:ططلع ليييها السكر فجاءة وطاحت ليهم فالنص طريق ورجعوها لدار ....
بابا:الله على زهر عندهم مساكن الله ارحمها
انا:ياربي امين ...شوف بابا غاندي معايا ختي  نمشيو نعزيهم دغيا نرجعو
بابا:بلاتيو نمشيو معاكم نديرو صواب حتى حنا
انا:(بالتوتر )لا لا بابا دبا مايمكنش حيت كل واحد فيهم مصدوم حتى لغدا وتمشيو عندهم ..دبا نمشي انا وختى ودغيا نرجعو ....
جريت ختي بزربة وخرجنا من دار وبقينا غادين حتى بعدنا على دار وقفتها فواحد الشارع خاوي انا:ختي تهلاي فماما وبابا هما أمانة عندك ...وهاكي شدي هاد الكارط ميموار خبيها عندك حتى تحتاجيها وفتحيها وشوفي اش فيها ...
ختي:(بالصدمة)شنو طرا ليك أختي متخااااوفينيش عفاااك 😢😢😢😢
انا:انا خطات وخاصني نتعاقب ...نتي وقفي هنا ولا سيري لشي بلاصة كلسي فيها حتى نعيط لك عاد رجعي لدار متافقين ....
ختي:ولكن علاش.....شنو واقع ليييك
انا:متسولينيش دبا عفاك غاتعرفي من بعد ... (عنقتها لعندي بجهد وكنبكي)سمحيلي اختي على كلشي سمحيلي الى غوت عليك شي نهار سمحيلي الى خطأت شي نهار فحقك ...راكي عزيزى عليا وبزاااف (بستها من حناأاكها ومشيت كنجري ومشفتش موراااايا .....حتى وصلت لراس ضرب تلاقيت مع واحد حشايشي كنعرفو جارنا عطاني الأمانة لطلبت منو ومشا وانا بقيت كنستنا طموبيل لقالي توصل لعندي .....

الجزء10 (للكاتبة سمارة سمر )
شويا كنشوف ديك طموبيلا جاية لعندي وانا قلبي مزير عليااا شفت فالدنيا اخر نضرة وركبت ...بقينا غادين حتى وصلنا لواحد بلاصة بعيدة على المدينة نزلت من طموبيل جا داك الراجل شدني من يدي ودخلني لدار ومشا بحالو وبقيت غير انا لداخل كنستنا ...شويا سمعتو دخل حاولت نكلمي راسي ونمتل عليه وقف فالباب وكيصفق وكيضحك حسيت بيه كيستهزأ بياااا
هو:مممم جيتي هي ولفتيني ولفتي داكشي مممم طلعتي مسهلاش
انا:نتا لجبيتيني لهنا بززز ماجيتش لخاطري 😢😢
قريب لعندي وشدني من كتافي
هو:ولكن داك نهار جيتي معاياا لهنا بخاااطرك
انا:اه حيت حماااارة حيت مكنسواش حيت احساب لي نتا راجل وكتبغيني كيف ماكنت كنبغيك حيت درت فيك تيقة عمية حيت مكانتش كنتخايل راسي بلا بيك حيت كنتي النفس لكنتنفس حيت ...وحيت ...فاللخر صدقتي غير كنتي كتكذب عليا ولعبتي عليا كيف بغيتي
هو:اجي اجي معايا البيت ماعنديش الوقت لنسمع فيه هاد الخرفات ديالك
انا:وخااا
مشا البيت ولحقتوووو بشويا وانا شادة فكرشي
دخلنا البيت بدا كيتقرب مني وشاد فيديه اللولب فيديه وانا نطيحو ليه من يديه زعما غير مشافتش مزيان ...يالله تحنى لعندو وانا نجبد جنوية وعطيتو الضربة اللولة فضهروووو وعاودت تانية فكتفكوووو كنضرب وانا كنغوت طاح على ضهرو وزت ليه ضربة اللخرا فالعضوو ديالو ومات سيغ بلاص طيحت ديك الجنويا من يدي وطحت على ركابي وكنفوت بجهد وديديا عاااامرين دم ...دم ديال الانسان لكان كلشي فحياتي ودبا انا لقتلتو هادي  هي ضريبة حبي ليه. ...يتبع

الجزء 11 (للكاتبة سمارة سمر )
👑ضريبة الحب👑
صونيت البوليس ...جاو لمكان لقاوني كالسة حداه وشادة جنويا فيدي وعامرة دمايات شدوني وركبوني فسطافيط وهو نقلوه المستشفى من أجل التشريح ...دخلوني لغرغة الاستجواب ودارنا ساقو الخبار وهدر مع صاحبو لكان ناوي اخبطني وهو لتكلف باستجوابي
المحقق:عاودي لي كلشي من اللول حتى اللخر ...متخافيش انا هنا معاك باش نعااااونك غير ماتخبي عليا والو
انا:(وعيني منفوخين بالدموع ومزالة مامتتيقة واش بالصح انا قتالة) هو كان حبيبي كنت كنبغيه بزاااف بغيتو حب جنوني هو كان أول حب بالنسبة ليا وماعمري بغيت غيرو ...استغلني وضحك عليا ولعب فيا كيف بفا خدا مني شرفي و حياتي. ...
المحقق:شنو وقع البارح بالضبط مورا العاصر
انا:البارح كنت كنستناه انا ودارنا اجي اخطبني حيت هددتو بلي ندعيه وقالي غايجي وفاللخر مجاش وصيفط ليا واحد الفيديو فيه انا وياه ملي كنا مع بعضايتنا وهددني بلي غايصفطهم لبابا الى مامشيتش لعندو لدار تاني. ...
المحقق:شنو طرا ملي مشيتي لعندو
اتا:ملي وصلت وتلاقينا ستهزأ مني ومخلا ماقال ليا ومن بعد دخلني معاه البيت بدا كيتقرب مني وبغا اغتصبني وانا نقتلوووو عطيتو ضربة اللولة فوسط ضهرو وضربة تانية فكتفكو وضربة تالتة عطيتها ليه فعضو ديالو  ومات 😢
المحقق:واش ندمانة
انا:لا مندمناااااش وماعمري غاندم ...يتبع

الجزء12  (للكاتبة سمارة سمر )
ضريبة الحب
دوزت فترة التحقيق ...وختي ورات ليهم دوك دلائل لخليت ليها ....وتحكم عليا ب16سنة دياال الحبس دوزت جميع انواع التعذيب تكرفصت بزاااف وماما وختي لكانو كايجيو لعندي بابا ماعمري شفتوووو طيلة مدة لدوزتها فالحبس وكان داك المحقق كيجي اطل عليا مرة مرة وكيوصي عليا تما ...غير امشي ارجعو اعذبوني تاني ضعاااافيت وليت اللحم على العضم شعري طاح كولوووو توحشت الحرية توحشت بابا كل نهار كان كيدوز عليا بحال عام....ضاعت 16عام  من عمري ماقريت فيها ماخدمت فيها ماعشت فيها حريتي كانت هادي ضريبة الحب لخرجات على مستقبالي .....
خرجت من الحبس وانا عندي 36سنة مشيت لدار فتح ليا بابا ركعت ليه على رجليه وكنبكي باش اسمح ليا ماقدرش استحمل تحنى لعندي وقفني قدامو وعنقني ليه بجهد ودخلني لدار لقيت غير ماما ختي الصغيرة تزوجات ومشات لاوروبا وخويا الصغير كبر شد الباك ديالو ومشا الخارج اكمل قرايتو تما كل واحد فيهم عاش حياااتو كيف بغا وكيف كيتمنى غير انا فيهم لتضلمت لا مستقبل لا زواج لا ولاد ...

الجزء13والاخيييير (للكاتبة سمارة سمر
ضريبة الحب
دازت الأيام وانا غير الدار لا خروج لا دخول بابا وماما كيحاولو انسيوني ديما كيطلبو مني نخرج نمشي نكمل قرايتي ولا نخدم مهم ندير أي حاجة ولكن انا رفضت حيت كانشوف راسي شرفت على القراية والخدمة ....واحد نهار جا بابا ومعاه واحد الراجل عيط ليا بابا لصالون مشيت لقيت معاه داك المحقق ومعاه واحد البنيتة كتحمق كالسة معاه حطيت ليهم الصينية وكلست مع ماما
بابا:بنتي شيماء هادا السي  صفوان بلا شك عقلتي عليه
انا:(بخجل)اه عقلت عليه هادا المحقق صفوان
ماما:مرحبا السي صفوان هادا نهار كبير لجيتي فيه عندنا
صفوان:الله ابارك فيك الحاجة
بابا:السي صفوان هدر معايا فواحد الموضوع هادي يومين
ماما:الله اسمعنا خبار
صفوان:خير إن شاء الله 😊
بابا:السي صفوان جا طالب راغب فيد بنتنا شيماء على سنة الله ورسوله ....
ماما:سي الحاج اجي معايا شويا
مشاو لواحد البيت
ماما:ياك هو مزوج
بابا:لا راه مبقاش مزوج طلق هادي شهرين و دبا ناوي اتنسب معانا الى وافقات بنتنا
ماما:علاه متوافقش ضروري ماتوافق
بابا:يالله زيدي بلا مانخليوهم استناو
جاو كلسو حداية والفرحة باينة فوجهم وحتى انا فرحانة من داخل ديالي. . بعدا كاين لبغاني كيف ماانا وراضي بيا
بابا:بنتي شيماء امضرا اش قلتي فهادشي ....موافقة!!!
انا:(حانية راسي) لدرتيها ابابا انا معاك
بابا:من عندي انا أولادي مبروووك عليكم
صفوان:الله ابارك فيك الحاج
ماما:الله اتمم كلشي على خير فرحت ليكم (زغرتات واحد تزغريتة كتسمع من برا)
قراو الفاتحة وحددنا نهار لنديرو فيه العقد وقررنا نعجلو الأمور. ....
دازت شهر على خطبتنا تعرفت عليه عن قرب هو انسان راقي ومتقف وماعمرو تجرأ عليا رتاحيت معاه بزاااف ولا كيخرجني ديما وليت نتاقلم شويا وبديت كنرجع كيف كنت الحمد لله. ...تزوجنا درت داكشي بيناتنا بسيط ومشيت معاه صراحة عوضني كاع على الايام الخايبة لدوزت ودبا حاملة يالله عندي شهرين ونص .....
🔞حاافضو على شرفكم ومتيقوش فرجال كيف مكانو فكرو فوالديكم فخوتكم فمستقبلكم ومتغلطوش وتندمو فاللخر حيت الندم ماعمرو نفع مولاه .....#النهاااااااااية
ارائكم حبيباتي كيهمني بزااااااااف
الكاتبة سمارة سمر....
خليو لي ارائكم فالتعليق

الجزء 47 (للكاتبة سمارة سمر )<br> 👑ماوراء الطبيعة👑<br> سميرة باقي مصدومة من حالتها وتخلعات وغوتات بجهد اناااا وليت كنبكي الدم انا وليت كنبكي الدم علااش ياااربي علاااش انا بغيت نخرج من هنااا فينك اسامي فينك انا محتجة لييك حسات بحال شي حاجة طالعة معاها شافت فالارض لقات تعبان طالع معاها كان اللون ديالو كحل وكبيير غوتاااات بجهد ووااااااامي تعبااان نااري غايعضني فينكم شي حد اعتقني 😢😢😢 ركلاتو برجليها وعطات رجليها لريح بقات كتجري وكتشوف موراها كتشوفها كتلحق عليها ...بقات كتجري فطرييق طوويلة ماليها نهاااية قربات تعياااااا وداك تعبان باقي وراها ركابيها فشلو وعينيها كيتغمضو ودقات قلبها كتسمع طاحت على ضهرهااا وكتشوف فالسماااا وكتبتسم وكأن كتودع الحياة وكتودع داك العالم ولات كتشوف غير البياض وكتحس بحال يديها تهزو وكأنها ترفعات ولكن كاع محاسة فين هي ولا شكون رفعها ولا شكون كيحديها بحال كفحات وعيات تقادا ليها جهد تقدات ليها القوة ولات بحال حرير مبقاوش عندها المفاصل وغمضات عينيها وكانها حطات المفاتح وخلات كولشي موراهااااا....يتبع
الجزء49 (للكاتبة سمارة سمر )
خرجو من الدار ومشاو ديريكت الجامع صلاو صلاة المغرب من بعد سول سامي الإمام دبا شنو نديرو راه معطاتش لينا راس الخيط كيفاش نديرو نعتقو سميرة اسي الفقي ؟؟؟بطبط يديه على كتف سامي وبتاسم وقاليه بإذن الله غانعتقو مراتك تيق فيا دبا سير شوف مراتك ورجع لعندي قبل الفجر عندك تنسااا قبل فجر تكون عندي هنا ...مشا سامي لسبيطار تفاجأ ملي شاف نسيبتو فرحانة وعينيها كيلمعو بالفرحة سولها على حالة سميرة عاودات ليه كلشي هو ملي سمع داك الخبار زوين طااار بالفرحة عنق نسيبتو وكيبكي وكيضحك ...كلس حداها وعاود ليها شنو دار وتطورات لوقعو وطمانها بلي غايعتق سميرة ....باس ليها راسها ويديها و طلب ترضي عليه وتدعي معاه. ..وخرج مشا لعند جامع لقا الإمام كيستناه قاليه ستناني نلبس سلهامي ونخرجو قاله سامي فين غادي نمشيو قاليه ستناااا انا غانفسر ليك فالطريق ....بقاو غادين وسامي مشوش والفضول قاتلو بغا اعرف فين غادين شوية سول الإمام وقاليه فين غادين راه الفضول قاتلني قاليه غانمشيو المقبرة اولدي سامي تخلع قاليه اش غانديرو تماك اشي الفقيه قاليه غانشوفو فين دفنات السحر خالتك سامي تفاجأ ولكن فين غنلقاوه وخاالتي كاع مقالت لينا اينا مقبرة شاف فيه وقاليه ولكن انا عارف فين اينا مقبرة غير تبعني اولدي. ..هاظشي كنديرو لوجه الله وخا فيه خطورة ولكن وعدت نفسي نعاونك ونقذو مراتك...

الجزء 50 (للكاتبة سمارة سمر )
💖السرد باللسان سامي 💖
بقينااا غادين حتى وصلنا لمقبرة هي بعيدة على الدرب ديالنااا بزاااف معرفتش كيفاش وصلات ليها خالتي لقينا واحد السيد لابس جلبة كحلة ورد القب جلاب على راسو قالي الإمام سمع اولدي أنا ملي كنت كنقرا عليها ونتا برااا ملي بدات كتركل طاحت منها واحد الورقة وشيرات لي عليها بيديهاااا ملي فتحتها قدرت نفهم ديك الكتبة لفيها هي كانت ناوية غير تعذبها وتفك ليها ولكن الجن عشق مراتك وعاقبها وخلاها هكاك مكتفة غير باش تبقا مرتك فالعالم ديالو ومسيطر عليها وهاذ الراجل هو لغيوري لينا اينا قبر دفنات فيه هاد السحر ...أنا ملي سمعت هادشي تبورش اللحم ديالي وجاني واحد الخووف رهيب حسيت بالخنقة والرعشة....ملي لاحض الإمام التوتر لدخل فسامي قاليه واش غادخل معانا اولدي ...سامي فاللول تردد بزاااف ولكن فاللخر قرر ادخل معاهم وبقا كيقرا القرآن فالنفس ديالو والقفقفة شداااااه من صبع رجليه حتى لراسو ..بقاو غاااادين فالضلمة بين القبورة حتى وقف داك الراجل...فوسط الروضة قاليهم كااااين فديك الجيه اجيو قربو وتمشاو بشوية...

الجزء51(للكاتبة سمارة)
ملي وصلو القبر لدمفوون فيه السحر بدا داك راجل كيحفر بشوية والدخان كيخرج من داك القبر ...سامي ركابيه فشلو عليه وقلبو كيضرب ف100 أما الإمام كيقرا فالقرآن بشوية. ...داك راجل بااااقي كيحفر ودخان عاد ماكيزيد ...شوية قاليهم ملي تشوفهم خارجين متحركوش ومتنفسوش حتى يفوتو عاد تنفسو يالله خوظو النفس العميق ....بغا اسولو سامي شنو لغيخرج حبسو الإمام بعينيه....شوية عطا الإشارة ليهم باش احبسو النفس وبداو كيخرج داكشي على اشكال الثعابين كحلة وعمرو المكان كلو ...سامي ملي شاف داكشي اللون تخطف من وجهو ماعرف اش داكشي كان غايموت بالخلعة...ملي ختافو عطا ليهم الاشارة اتنغسو ...قاليهم وخا تشوفو لشفتو متحركوش من بلاصتكم بقاو جامدين. ..بقا كيحفر بحال داك السحور خاصو بزااف باش القاه كان غارق ...شوية شافو دخان كحل خارج من تما قاليهم هاهو الدخان السحر خرج مابقى والو غير صبرو(كيهدر بصوت خاافت ) طلب منهم اعطيوه شي كيس عطاه الامام كيس مرقي شوية ملي بدا كيخرج داكشي خرج معاه شبح كيخلع وبفا ومخنوووووق...شدو داك الراجل بالكيس من حلقو وبقا كيخنق فيه..
الجزء 52 (للكاتبة سمارة سمر )
خنق داك الشبح ختى اختفى من بين يديه وهز داك السحر اللواه فواحد الخرقة ومدو لإمام وقاليه هاهو داكشي يالله نخرجو من هنا وقاليه سامي واش مغتردش التراب كيف كان اسيدي شاف فيه مزيان وقاليهم يالله تابعوني. .سامي مدخلاتش ليه الراس حتى قاليه الإمام كلشي غايترد لبلاصتو حتى نخرجو حنايا يالله زيد اولدي خرجو من تماك وكان باقي الحال على الفجر ...وقررو امشيو افكوه ليها قبل الفجر مشاو لمكان لفيه داك المشعوذ وطبعا داك راجل مشا معاهم حيت هو معرفة قديمة مع الامام وقررو اعاونو سامي حيت حسو بيه كايبغي مراتو ملي وصلو قاليهم داك الراجل لنسموه السيد غرائب الأطوار 😦تسناو ندخل عندو انا هو اللول و ملي نهدر معاه نعيط ليكم ومدخلوش حتى نقولها ليكم أنا واش متافقين ...هزو راسهم بالإيجاب. ..هو دخل وهما بقاو كيستنااااوه برا. ..سامي على اعصابو وكاع مكان فبالو غايعيش هادشي كلو يوما ما ولكن للقدر خفايا لا يعلمها الا الله ...شويا سول سامي الإمام وقاله شكون هدا اسي الفقيه قاليه هو كان السيد عادي حتى ولا مشعوط بين الليلة وضحاها وقرر اجعل من مراضو شحنة ايجابية يعاون الناس لقراب ليه في الخفاء وانا طلبتو على قبلك وقرر اعاونا متخافش هو مكايأذي حد....
الجزء53 (للكاتبة سمارة سمر )
شويا عيط عليهم دخلو وسامي مخلوع ومتوتر وفرحان كاع الاحاسيس تراكمو عليه كلسو فين قاليهم داك راجل اكلسو مد يديه لامام وقاليه ارا داكشي مدو ليه وقاليه يالله دير خدمتك وكيف تافقنا ....شوية ولاو اسمعو صوت صراااخ سميرة وشوية كيسمعو صوت ضحكات شريرة فكل مكان سحر كان قوي وخصوصا الجن عشق سميرة زاد عقد الامووور ....ساامي سد ودينه وعينيه خصوصا ملي كيسمع صوت صراخ سميرة ....ملي فتح عينيه تصدم جات صورة سميرة كيف مرفعة ولابسة ابيض وطالقة يديها فالهوا ومغمضة عينها ومباتسمة مستحملش وبقا كيغوت مالها علاش هي هكا مغمضة عينها مالها واش ماتت صافي مشات ياك صافي قتلها ياك😢😢 الإمام كيهدا فيه وكيقول ليه تهدن اولدي هادشي غير خيال هي غير قريب تفك ظاكشي علاش نعسات فعلامو ومبقاتش كتعذب معا الجن غير تهدن مابقا والو استحمل اولدي استحمل ...شاف فداك المشعوذ لقاه ميعمل حركات غريبة مخوفة اشمئز من الوضع وزاد حقد على كل واحد قطع يدو من رحمة مولانا ...بعد دقائق ولا داك المشعوذ كولو عرقان وكيهدر مع الجن وعينه مقلوبين حتى غووووت بجهد تغك صراحهااا تفك صراحها ولات حرة لدرجة فقط الوعي ديالو من كثرة قوة الجن العاشق لمس على السحر لدارو ليهااا ....يتبع

الجزء54والاخييييير (للكاتبة سمارة سمر )
خرج سامي من تما طاااير بالفرحة ولا بحال شي حمق بالفرحة كيجري وكيضحك وكيبكي للقاه قدامو كيعنقوووو ملي رجع عند الوعي ديالو لقا راسو قدام السبيطار معرف كيف وصل لتمااا بحاال الى طار دخل لسبيطار مشا ديريكت الغرفة الإنعاش ملقاش تماك سميرة تخلع قلبو تزعزع من بلاصتو اللون تخطف من وجهو مشا كيجري لعند طبيب وكيسولو فين هي مراتي فين هي سميرة ادكتور شدو من كتافو وقاليه تهدن راه مراتك فاقت من الغيبوبة وديناها الغرفة العادية يالله نديك عندها ...مشاو لغرفة لقاها فايقة ومبتاسمة وشادا فاليد ماماها وخا كلها جروح وتبدل شكلها طاح عليها السر جرا عندها سامي عنقها وكيبكي الحمد لله على سلامتك خفت عليك بزااف كنت غنحماق كنت خايف تمشي وتخليني فالنص طريق بقااا شي النص ساعة كيهدر مخلاها تقول حتى كلمة قال كلشي لفقلبو ...عنقاتو حتى هي وفرحتها مكتوصفش وحسات براسها خفيفة ومبقاتش كيف كانت كانت مربوطة ومخنوقة سولاتو علاش انا حاسة راسي كيف كانت شحال هادي قاليها اه نتي رجعتي سميرة شحال هادي نتي وليتي حرة انا عتقتك ومخليتكش بين يديه نتي بوحدي وباسها فحنكها....دازت شي سيمانة خرجات سميرة من السبيطار ولات كل نهار كتحسن من لفات وسامي ولا كل نهار كيمشي اصلي فجامع لفيه الإمام لعاونو وبفضلو عتق مراتو وقرر احفض القرآن على يد الإمام حيت معتابرو قدوة ديالو فكلشي.....تهدنات حياتهم ولات كلها سعادة وربي عوضهم على كاع الألم لدازو منو طول فترة المرض سميرة .....مع المدة رجعات سميرة كي كانت وحسن عاد ....وحماتها تقبلاتها وسكنو بجوج فدار وحدة .....هكا رجعت سميرة القديمة ورتاحيت فحياتي ملي حملت بولدي اللول كانت فرحتي كبيرة والحمد للله ولدت ولدي وسماه سامي سليمان على إسم داك الإمام لساعدو وقف معاه حتى رجع شملنا تجمع من جديد
#النهاية

خليو لي ارائكم وانتقادتكم