عذابي مع مرات خويا

نهار الخطبة ديال  خويا كنا كلنا فدار فرحانين وأنا بالخصوص كنت طايرة بالفرحة حيت غتولي عندي مرت خويا والفنفس الوقت عتولي عندي ختي لمولداتهاش ماما حيت انا الوحيدة بنت فدارنا وكنحس بالملل غير بوحدي داكشي علاش انا لعاونت خويااا باش اتزوج بالبنت لكيبغي ...أنا لبست قفطان فالحمر وطلقت شعري على راحتو ودرت مكياج وركزت على عينياااا كتر حيت كبار وبغيت نبان على البنات العائلة كلهم ساليت من اللبس والمكياج ورشيت الريحة لكتعجبني وخرجت ملي شافوني فدارنا تصدمو كاع معرفوني حيت مموالفاش ليهم كندير المكياج بزاااف واما شي مسمومات ديال بنات خوالاتي متصرطتش ليهم وقفت ليهم فالحلق وانا غادية جيهت خويااا بكل أناقة والتيقة فالنفس وشديت فيه وقلت ليه يالله ماشين حتى هو شد فيا وتمينا غادين وموراناا العيلات العائلة والرجال حتى هما كلشي ناشط كلشي فرحان وصلنااا لدار العروسة نزلت ومشيت جيهة خويااا كان متوتر طمانتو وقلت ليه ختك معاك متوترش يالله ندخلو استقبلونا بالزغاريت والصلاة على نبي والحليب والتمر عاد دخلوناااا الدار ووكل أعين علياااااا بحال معمرهم شافو البنت كلسونا فالصالون ومن بعد مشاو شي بنات انزلو العروسة وكلسوهاااا حدا خويااا وانا كنشوف فعينيه الفرحة وحتى فواليدية عينيهم كتلمع بالفرحة وتمات الخطبة مزيااااانة وكلشي فرح وكشلي رقص وغنى دازت من داكشي ورجعنااااا لدار وانا كلي مدكدكة وبدات المعاناة التوجاد العرس  حيت قررنا نديرو العرس فالضرف سيمانة مع الخطبة ...وصل العرس  أنا كيف ديمااااا ناوية نطرطق مرارة لشي وحدين وداكشي علاش مخليت مالبست وتقاديت ....حيت كاع ماكنت عارفة بلي مورا هاد العرس غتبدل حياااااتي كلهاااا ومغنبقاش ندوق حلاوة الراحة ولا نشوفهااا. ....يتبع

الجزء2 (تأليف القصة سمارة سمر )
دااز العرس مزيان من غير وحد الولد من عائلة مرت خويا بغاني نتصاحب معاااااه بزز وانا ماحملتو ماقبلتو جااني تقيل على القلب وكاع مديتها فيه وعاد عايرتو قدام صحابو وقللت من رجولتو حيت كيستهل احساب ليه البنات اللعبة بين يديه... (تأليف القصة سمارة سمر )...دازو داك الايام ديال الباكور العرسان ...خويا رجع لخدمتووو كيف اللول وكل واحد فالدر رجع لروتين ديال ديمااا ولات مرات خويااا تعاوني فكلشي ولات قريبة مني بزااف انااا تقت فيهااا بزاااف حسبتهاااا بحال ختي وليت نشارك معاها كلشي أسراري حوايجي صيكاني وصباطي وحتى فلوسي كانت بحال ختي بالنسبة ليا اما ليها معرفتش... (تأليف القصة سمارة سمر )حتى لواحد نهار خرجت مع ماما ومرت خويا نتسارو شوية بالصدفة تلاقيت مع داك المسخوط لعاودت ليكم عليه وجا سلم على مرت خويا  (سميتها هدى) وعلى ماما وكان معاهم مصواااب بزااف حتى وصل لعندي وقالي بشوية ستناي وشوفي اش غادوزي غنتاقم منك غير بلاتي أنا فديك اللحضة حسيت بإحساس خااااايب بزاااااف نغزني قلبي ولكن حاولت نستغفر ربي ومانظيرش فبالي.....يتبع
الجزء 3 (تأليف القصة سمارة سمر )
جيناااا لدار وانا خاطري خاسر ومشوشة بزااف كلشي لاحض هادشي وكيسولوني علاش تبدلت فنهار ماقدرت نقول ليهم والو حيت كنت خايفة نجبد الصداع لخوتي على والو .. (تأليف القصة سمارة سمر ) فضلت نسكت ونسااا الموووضووع دازت شي 3شهور مرت خويا حملات وبدات توحم علينا وتخاصم مع ماما وتقول لخويااا الوحم جاني على ماماك مابغيتش نشوفها فدار خويا مسكين حشم من ماما اقول ليها دايك الهدرة ولكن ماما فهماااات الموضوع ومشات عند خالتي وانا بقيت معاها فالدار وليت ندير الشغل كلو بوحدي وعاد نطيب ليها لكتشهااااا.. (تأليف القصة سمارة سمر ) واحد النهار كنت ناعسة بالنهار حيت عييت من الوقوف فالكوزينة حتى حسيت بشي حد كيرش عليا الماء فقت مخلوعة لقيتها مرت خويا واقفة عند رسي ومخنزرة فيا قالت لي نودي تكعدي واش محشمتيش تخليني مريضة ونعستي انا رديت عليها بشوية غير باش نقص من الصداع حيت وليت عااايشة معاها فالجحيم وحتى حد مفخبارو داكشي غير سمحيلي اختي داتني عيني بلا مانحس اش حااب الخاطر قالت لي وهي معصبة نوضي طيبي لي البيتزا قبل مايجيو خوتك اتحسو عليها كمدتها فقلبي نضت صاوبتها ليهااا وخليت حق خوتي فالكوزينة  وملي اجي خويا تبقا تبوحط عليه وتقولو راه ختك مكتهلاش فياااا داك نهار نيت قالت ليه طيبات البيتزا لخوتها ومدوقاتنيش جا لعندي خويا عايرني مزيان وماخلا ماقالي وانا كنت غير حانية راسي مقدرت ننطق بحتى كلمة وهز داك طبسيل ودخلو ليها البيت ..يتبع